լրացվում է
Մուտքի ճամբարի ժամանակ իրար արդեն ճանաչաճ առաջին դասարանցիներն իրենց ուսումնական տարին սկսեցին սեպտեմբերի 1-ին: Հետաքրքիր ու անակնկալներով լեցուն տարի էր սպասվում 1.1 դասրանի սովորողներին:
Միասին շատ գործ ունեին անելու՝ նախագծերին պետք է մասնակցեին, դառնային գրաճանաչ ու մեդիահմուտ սեբաստացիներ, ճամփորդեին, բարձունքներ հաղթահարեին, գյուղում ապրող տատիկների ու պապիկներին օգնեին, լավաշ ու գաթա թխեին, թթու դնեին, տիկնիկներ պատրաստեին, լողային, ինքնագլոր ու հեծանիվ վարեին, կազմակերպեին ձիավարություն, կերակրեին, խնամեին ագարակի կենդանիներին, իրականացնեին ծառատունկ, հրաշք նկարների, ձեռքի աշխատքների ցուցահանդես կազմակերպեին, մասնակցեին ձմեռային և ամառային ճամբարներին, նշեին բոլոր ծեսերը, դառնային հրատարակիչներ, փրկարարներ, սիրեն կոմիտասյան երգերն ու ազգային պարերը:
Այ, այսքա՜ն կարևոր գործ ունեին անելու կրտսեր դպրոցականները, իսկ կրթահամալիրը փորձում է այս ամենի հնարավորությունների դռները բացել… բարով եք միացել սեբաստացի ընտանիքին: